March 26, 2026

black sea: నల్ల సముద్రం (black sea) వేదికగా జరుగుతున్న ఉక్రెయిన్-రష్యా యుద్ధం ఇప్పుడు అంతర్జాతీయ చమురు సరఫరాపై తీవ్ర ప్రభావం చూపుతోంది. ఇప్పటికే పశ్చిమాసియాలో ఉద్రిక్తతలు కొనసాగుతుండగా.. తాజాగా రష్యా చమురుతో వెళ్తున్న టర్కీ ఆయిల్ ట్యాంకర్‌ (turkish oil tanker)పై జరిగిన దాడి ప్రపంచ దేశాలను ఉలిక్కిపడేలా చేసింది. టర్కీ రవాణా మంత్రి అబ్దుల్‌కాదిర్ ఉరలోగ్లూ వెల్లడించిన వివరాల ప్రకారం.. రష్యా ముడి చమురును తీసుకెళ్తున్న సియెర్రా లియోన్ జెండా కలిగిన టర్కీ నౌకను లక్ష్యంగా చేసుకున్నారు. ఈ దాడి డ్రోన్‌తో కాకుండా, నీటి మట్టంలో ప్రయాణించే మానవరహిత ఉపరితల వాహనం (usv) ద్వారా జరిగినట్లు అధికారులు భావిస్తున్నారు. దాడిలో నౌకలోని ఇంజిన్ గది (engine room) దెబ్బతింది. నౌకను పూర్తిగా నిలిపివేయాలనే ఉద్దేశంతోనే వ్యూహాత్మకంగా ఇంజిన్ రూమ్‌పై దాడి చేసినట్లు తెలుస్తోంది.