April 23, 2026

mukesh chaudhary: చెన్నై సూపర్ కింగ్స్ (csk) జట్టుకు కష్టాలు ఒకదాని వెంట ఒకటి వెంటాడుతూనే ఉన్నాయి. ఐపీఎల్ 2026 సీజన్‌లో ఇప్పటికే వరుస ఓటములతో సతమతమవుతున్న ఆ జట్టులో తాజాగా మరో విషాదం చోటుచేసుకుంది. స్టార్ పేసర్ ముకేశ్‌ చౌదరి (mukesh chaudhary) మాతృవియోగం చెందారు. ముకేశ్‌ చౌదరి తల్లి ప్రేమ్ దేవి గత కొంతకాలంగా అనారోగ్యంతో బాధపడుతున్నారు. ముంబైలోని ఒక ప్రైవేట్ ఆసుపత్రిలో చికిత్స పొందుతున్న ఆమె పరిస్థితి విషమించడంతో తుదిశ్వాస విడిచారు. ఈ బాధాకరమైన వార్త తెలియగానే ముకేశ్‌ హుటాహుటిన తన స్వస్థలానికి బయలుదేరారు. ఈ కష్టసమయంలో ముకేశ్‌ (mukesh chaudhary) కుటుంబానికి సీఎస్కే యాజమాన్యం, అభిమానులు సోషల్ మీడియా వేదికగా సంతాపం తెలియజేశారు. జట్టు మొత్తం ముకేశ్‌ (mukesh chaudhary)కు అండగా ఉంటుందని యాజమాన్యం ప్రకటించింది.