February 6, 2026

తూర్పు గోదావరి జిల్లా మండపేట సమీపంలోని కుర్మాపురం గ్రామంలో పెద్దపులి సంచారం పెను కలకలం సృష్టిస్తోంది. గత ఆరు రోజులుగా జిల్లావాసులను భయపెడుతున్న ఈ పులి, ప్రస్తుతం జనవాసాల మధ్య ఉన్న ఒక పాత ఇంటిలో తలదాచుకుంది. పులిని బంధించేందుకు పూణే నుంచి వచ్చిన ప్రత్యేక రెస్క్యూ టీమ్, అటవీ శాఖ అధికారులు రంగంలోకి దిగి థర్మల్ డ్రోన్లు, 4g కెమెరాల సహాయంతో నిఘా పెట్టారు. భవనం చుట్టూ ఇనుప నెట్లు ఏర్పాటు చేసి, నిపుణుల ద్వారా మత్తు ఇంజెక్షన్ ఇచ్చి పులిని సురక్షితంగా బంధించేందుకు భారీ ఆపరేషన్ కొనసాగిస్తున్నారు.