చందనా బౌరి.. ఆమె  భర్త పశ్చిమ బెంగాల్‌లోని ఓ మారుమూల ప్రాంతంలో ఓ సాధారణ రోజు కూలీలు.  రెక్కాడితే గాని డొక్కాడని కుటుంబం. అయితేనేం పశ్చిమ బెంగాల్ అసెంబ్లీ ఎన్నికల్లో ఆమె సాధించిన అపూర్వ విజయం దేశం మొత్తాన్ని ఆకర్షించింది. ఎంతో మందిలో స్ఫూర్తి నింపుతోందిపశ్చిమ బెంగాల్‌లోని బంకురా జిల్లాలోని సాల్టోరా అసెంబ్లీ సీటు నుంచి భారతీయ జనతా పార్టీ (బిజెపి) అభ్యర్థిగా చందన బౌరి  విజయం సాధించి చరిత్ర సృష్టించింది.ఆమె టిఎంసి కు చెందిన సోంతోష్ కుమార్ మొండల్‌ను 4,000 ఓట్ల తేడాతో ఓడించింది.

బౌరి భర్త  రోజూ 400 రూపాయలు సంపాదిస్తాడు. ఆమె ఎన్నికల అఫిడవిట్ ప్రకారం, బౌరీ తన బ్యాంక్ ఖాతాలో రూ .6,335 నగదు ఉండగా, భర్త బ్యాంక్ ఖాతాలో కేవలం రూ .1,561 నగదు ఉంది.బౌరీ మరియు ఆమె భర్తకు వ్యవసాయ భూమి లేదు. బౌరీ కొన్నిసార్లు తన భర్తకు సహాయం చేయడానికి కూలీగా పనిచేస్తుంది. బౌరి 12 వ తరగతి వరకు చదువగా  ఆమె భర్త 8 వ  తరగతి పాస్ అయ్యాడు. ఈ దంపతులకు 3 మేకలు, 3 ఆవులు, ఒక గుడిసె ఉన్నాయి. ఇద్దరూ  గ్రామీణ ఉపాధి హామీ పధకం  కార్డుదారులు. బౌక్కీ మరియు ఆమె భర్త 2020 లో ప్రధాన మంత్రి ఆవాస్ యోజన కింద ఒక పక్కా ఇల్లు నిర్మించడానికి రూ .60,000 అందుకున్నారుపార్టీ తనకు టికెట్ ఇచ్చిందని తనకు తెలియదని బౌరి ఇంతకు ముందు చెప్పారు. ఆమె అభ్యర్థిత్వం గురించి బౌరీకి ఆమె పొరుగువారు చెప్పారుటిక్కెట్లు ప్రకటించే ముందు నేను శాసనసభ ఎన్నికలలో అభ్యర్థిగా ఎంపిక అవుతానని నాకు తెలియదు. ఆన్‌లైన్‌లో నామినేషన్ కోసం దరఖాస్తు చేసుకోవాలని చాలా మంది నన్ను ప్రోత్సహించారంటూ  మార్చిలో వార్తా సంస్ద  ఎఎన్ ఐ కు  బౌరి చెప్పారు.

బౌరీ  భర్త మొదట ఫార్వర్డ్ బ్లాక్ సభ్యుడు తరువాత టిఎంసిలో చేరాడు. టిఎంసి కార్యకర్తల తరువాత బిజెపిలో చేరారు. గత రెండు పర్యాయాలూ ఈ నియోజక వర్గంలో టీఎంసీనే గెలుపొందింది. అటువంటి చోట బీజేపీ తరపున పోటీ చేసిన ఒక సామాన్య కూలీ విజయం సాధించడం సంచలనం కలిగింది.

చందన విజయంపై సోషల్ మీడియా లో  నెటిజన్లు ప్రశంసలు కురిపిస్తున్నారు. ఇది `సామాన్య మహిళ సాధించిన అసాధారణ విజయమ`ని వారంటున్నారు . ఇది చందన విజయం కాదని, అలాంటి సాధారణ మహిళను గెలిపించిన సల్తోరా నియోజకవర్గ ప్రజల విజయమని కొందరు అభివర్ణిస్తున్నారు. ట్విటర్‌లోనూ, ఫేస్‌బుక్‌లోనూ చందన విజయానికి సంబంధించిన పోస్టులు వైరల్‌గా మారాయి.