Lucknows IPL team: ఐపీఎల్‌ కొత్త ఫ్రాంచైజీ లక్నో  తమ జట్టు పేరును అధికారికంగా ప్రకటించింది. సంజీవ్ గొయెంకా నేతృత్వంలోని ఆర్పీఎస్జీ సంస్థ.. జట్టుకు ‘లక్నో సూపర్ జెయింట్స్’ పేరును  ఖరారు చేసింది. ఈ మేరకు ఫ్రాంచైజీ అధినేత సంజీవ్‌ గొయెంకా ట్విటర్‌ వేదికగా వెల్లడించారు. లక్నో జట్టుకు పేరు ఖరారు చేసేందుకు ట్విట్టర్ వేదికగా ఒక  పోల్‌ను నిర్వహించిన ఆర్పీఎస్జీ.. లక్నో వాసులే పేరును సూచించాలని కోరింది. 

కేఎల్ రాహుల్ సారథిగా వ్యవహరించనున్న ఈ జట్టుకు జింబాబ్వే మాజీ వికెట్ కీపర్ ఆండీ ఫ్లవర్ హెడ్ కోచ్‌గా, టీమిండియా మాజీ ఓపెనర్‌ గౌతమ్‌ గంభీర్‌ మెంటార్‌గా ఎంపికయ్యారు. ఈ జట్టులో మార్కస్ స్టొయినిస్, రవి బిష్ణోయ్‌లను సభ్యులుగా ఉన్నారు. ఈ ఫ్రాంచైజీని 7,090 కోట్ల భారీ మొత్తం వెచ్చించి దక్కించుకున్న ఆర్పీఎస్జీ సంస్థ.. తమ పాత జట్టు ‘రైజింగ్ పూణే సూపర్ జెయింట్స్’ లో ఊరు పేరు మాత్రమే మార్చి ‘లక్నో సూపర్ జెయింట్స్’గా ఖరారు చేసుకుంది.