US President Biden accuses reporter: అమెరికా అధ్యక్షుడు జో బైడెన్  ధరల పెరుగుదలపై ప్రశ్నించిన ఓ రిపోర్టర్ పై అసభ్య పదజాలంతో నోరుపారేసుకున్నారు. వాషింగ్టన్​లో ప్రెస్ కాన్ఫరెన్స్ నిర్వహించిన అధ్యక్షుడు బైడెన్​ను.. ఫాక్స్ న్యూస్ ప్రతినిధి పీటర్ డూసీ  ధరల పెరుగుదలపై ప్రశ్నించారు. అధిక ద్రవ్యోల్బణం   వల్ల మిడ్​టెర్మ్ ఎలక్షన్స్​ ఫలితాలపై ప్రభావం పడుతుందా అని అడిగారు. 

దీంతో బైడెన్  'అధిక ద్రవ్యోల్బణంతో లాభమే. స్టుపిడ్ సన్ ఆఫ్ ఎ **' అంటూ రిపోర్టర్ పై విరుచుకుపడ్డారు. బైడెన్ మాటలకు అక్కడ ఉన్నవారంతా ఒక్కసారిగా షాక్ కి గురయ్యారు. అయితే.. అమెరికా అధ్యక్షుడి వ్యాఖ్యలు కెమెరా, మైక్రోఫోన్లలో రికార్డ్ అయ్యాయి. అయితే రిపోర్టర్ పీటర్ డూసీని తన కార్యాలయానికి పిలుపించుకొని ప్రెస్ కాన్ఫరెన్స్​లో చేసిన వ్యాఖ్యలకు క్షమాపణలు చెప్పినట్టు సమాచారం.

గతవారం రష్యా గురించి ఫాక్స్ న్యూస్ మహిళా విలేకరి అడిగిన ప్రశ్నపై చిరాకుపడ్డారు 'ఉక్రెయిన్ విషయంలో పుతిన్​ తొలి అడుగు వేసేంతవరకు ఎందుకు వేచి చూస్తున్నారని మహిళ అడగ్గా.. 'అదో చెత్త ప్రశ్న' అని కొట్టిపారేశారు.

మరిన్ని అంతర్జాతీయ వార్తలు చదవండి 

ఏపీలో పలువురు ఐఏఎస్ అధికారుల బదిలీ

తెలంగాణలో నైట్ కర్ఫ్యూ అవసరం లేదు.. హైకోర్టుకు తెలిపిన ప్రభుత్వం