వివాదాస్పదమైన మూడు సాగుచట్టాలపై నేషనలిస్ట్ కాంగ్రెస్ పార్టీ (ఎన్‌సిపి) చీఫ్ శరద్ పవార్ సూచనలను కేంద్ర ప్రభుత్వం శుక్రవారం స్వాగతించింది. నిరసన తెలిపిన రైతులతో తొందరగా ప్రతిష్ఠంభనను పరిష్కరించడానికి ప్రభుత్వం సిద్ధంగా ఉందని ప్రభుత్వం చెప్పింది.

కొనసాగుతున్న రైతుల నిరసనపై వ్యాఖ్యానించిన శరద్ పవార్, రైతులు గత 6 నెలలుగా ఆందోళన చేస్తున్నారు. కేంద్రం మరియు రైతుల మధ్య ప్రతిష్టంభన ఉంది. అందువల్ల వారు ఇంకా అక్కడే కూర్చున్నారు. కేంద్రంతో దీనిపై మాట్లాడవలసిన అవసరం వుందని అన్నారు. పవార్, మూడు వ్యవసాయ చట్టాలను పూర్తిగా  రద్దు చేయడానకి బదులు కొన్ని సవరణలు చేయవచ్చని అన్నారు. 

కేంద్ర వ్యవసాయ మంత్రి నరేంద్ర సింగ్ తోమర్ ఎన్‌సిపి చీఫ్ శరద్ పవార్ వైఖరిని స్వాగతించారు, ఇది ప్రభుత్వ వైఖరి అని తెలిపారు. తాము ఇదే ఉద్దేశ్యంతో రైతులతో  చర్చలుజరుపుతున్నామని అన్నారు. వ్యవసాయచట్టాలను రద్దు చేయవలసిన అవసరం లేదని, అభ్యంతరం ఉన్న అంశాలను చర్చించిన తరువాత మార్చాలన్న ఆయన వైఖరిని నేను స్వాగతిస్తున్నాను. కేంద్రం ఆయన వైఖరితో అంగీకరిస్తుంది "అని తోమర్ అన్నారు.

అంతకుముందు జనవరిలో, శరద్ పవార్ స్వయంగా వరుస ట్వీట్లలో వ్యవసాయ చట్టాలను విమర్శించారు, అవి కనీస మద్దతు ధర (ఎంఎస్పి) ను ప్రతికూలంగా ప్రభావితం చేస్తాయని మరియు దేశ మండి వ్యవస్థను బలహీనపరుస్తాయని  పేర్కొన్నారు.